Álvaro González García de Burgos

Zuzendaritza Zinematografikoan diplomatua ECAMen (Madrilgo Erkidegoko Zinematografia eta Ikus-entzunezkoen Eskola). Bertan, Ana Díez, Manuel Gutiérrez Aragón eta Gracia Querejeta izan zituen tutore, eta aktoreen zuzendaritzako irakasle Mariano Barroso eta Jaime Chavarri.

Ia hogei urte daramatza publizitatean eta telebistako telesail eta programetan errealizadore lanetan. Irakasle elkartua da Nafarroako Unibertsitateko Komunikazio Fakultatean, Ikus-entzunezko Komunikazioaren Graduan. Bertan, Zuzendaritza, Gidoi, Zinema eta Telebista Produkzio eta Aktore eta Interpretazio Zuzendaritza eskolak ematen ditu, eta Gradu Amaierako Lanen koordinatzailea ere bada.

Hiru film labur zuzendu ditu: “EL CINÉFILO” (Ecam, 2000), “CASA FOUCE” (Ecam, 2002) eta “TITAN” (Usual Films, 2015/140 Nazioarteko Jaialdiak – 22 Sari).