Parte hartu nazioarteko jaialdietako ordezkariekin egingo diren elkarrizketetan

Navarra Film Industry-k eta Punto de Vista-k, Nafarroako Dokumental Zinema Jaialdiaren 20. urteurrenaren testuinguruan, Nafarroako sektoreari zuzendutako jarduera bat antolatu dute, dokumentalaren Europako jaialdi nagusietako ordezkarien eta Nafarroako profesionalen arteko topaketa sustatzeko helburuarekin.

Jarduera 15 minutuko elkarrizketetan oinarrituko da, Punto de Vista jaialdian akreditatutako Nafarroako sektoreko profesionalen eta jaialdira gonbidatutako dokumental zirkuituko jaialdietako ordezkarien artean. Jarduera apirilaren 23an, ostegunez, egingo da, goizeko 09:00etatik aurrera, Baluarteko Bulevar Aretoan.

Punto de Vista jaialdiak 20. urteurrena ospatuko du apirilaren 20tik 25era, Nafarroako kultura-erreferente gisa sendotuta. Jaialdiak dokumental zirkuituko jaialdi nagusietako batzuetako dozena bat arduradun baino gehiago hartuko ditu, besteak beste: Cinespaña Toulouse, Curtas Vila do Conde, FIPADOC, IFFR Rotterdam, Jihlava, BlackStar Film Festival (AEB), Courtisane, DA Films, Sheffield Doc/Fest eta IDFA.

Bestalde, Navarra Film Industry-k Nafarroako ikus-entzunezko sektorearen nazioartekotzea babesteko estrategia indartzen jarraitzen du, nazioarteko hitzordu nagusietako batzuekin harremanak sortzeko aukera paregabea eskainiz.

Izena emateko epea apirilaren 1ean, asteazkenez, irekiko da, eta apirilaren 9an amaituko da.

Nazioarteko jaialdietako ordezkariekin elkarrizketak:

  • Nafarroako profesionalei zuzenduta dago, bereziki zuzendariei eta ekoizleei.
  • Punto de Vista jaialdirako akreditazio profesionala izatea beharrezkoa da. Eskatu zure akreditazioa hemen. NAPAR eta CLAVNA elkarteetako profesional eta enpresek %20ko deskontua dute jaialdiko akreditazioan.
  • Jarduera batez ere ingelesez egingo da.
  • Nafarroako profesional bakoitzak parte hartu nahi duen taldeak aukeratu ahal izango ditu, baina jaialdi bakoitzeko talde bakarra eskatu ahal izango du.
  • Plazak mugatuak dira eta eskaeren hurrenkeraren arabera esleituko dira. Eskaera osatu ondoren, antolakuntzak hautatutako taldean plaza dagoen ala ez baieztatuko dizu.